Himiýa we ony okatmagyň usulyýeti kafedrasy

     Himiýa we ony okatmagyň usulyýeti kafedrasynda “Himiýa” hünärinde okaýan talyplara himiýa hem-de ony okatmagyň usulyýetine degişli ylmy-usuly maglumatlary öwrenmekde uly işler alnyp barylýar.

     Kafedrada “Umumy we organiki däl  himiýa”, , “Organiki himiýa”, “Analitiki himiýa”, “Fiziki himiýa”, “Kolloid himiýa”, “Organiki däl sintez”, “Organiki sintez”, “Biohimiýa”, “Himiki tehnologiýa”, “Himiýany okatmagyň usulyýeti”, “Mekdepde himiýadan eksperimental  işleri gurnamagyň usullary”, “Himiýanyň taryhy”, “Maddalaryň gurluşy”, “Himiýadan hasaplama meseleleri çözmek”, “Türkmenistanyň tebigy çig mal baýlyklary  we olary gaýtadan işlemegiň usullary”, “Ylmy- derňew işleriň esaslary”, “Kompleks birleşmeleriň himiýasy”, “Polimerleriň himiýasy”, “Ýörite ders: (“Himiýany okatmagyň häzirki zaman usullary  we serişdeleri“,  “Oba hojalygynda we senagatda ulanylýan himiki maddalar”) atly derslerden umumy, amaly, söhbet we tejribe sapaklary okadylýar.

Kafedrada okadylýan ähli dersler boýunça umumy okuwlaryň elektron ýazgylary taýýarlanyldy we audio we wideo  ýazgylarynyň gory döredildi.

     Ýazmyrat  Hommadow 1970-nji ýylyň 1-nji sentýabryndan bäri  Seýitnazar Seýdi adyndaky Türkmen döwlet mugallymçylyk institutynyň himiýa kafedrasynda mugallym bolup işleýär.

     1972-1975-nji ýyllarda  Ukraina (Kiýew)  Ylymlar  akademiýasynyň  Kolloid himiýa we  suwuň  himiýasy  institutynda  aspiranturada  okap,  kolloid himiýa  ugry boýunça “Kremniýorganiki  polimerler-modifisirlenen montmorillonit sistemasynda struktura emele gelmek hadysalary ” diýen    tema         boýunça kandidatlyk  dissertasiýasyny  gorady. 1976-njy ýylda uly mugallymlyga, 1987-nji ýylda kafedranyň dosentligine saýlandy. 2018-nji ýyldan bäri himiýa we ony okatmagyň usulyýeti kafedrasynyň müdiri wezipesinde işleýär.

     Ý. Hommadow 60-dan gowrak ylmy  makalalaryň, 3 sany  oýlap  tapyşlaryň we iki  sany  okuw  kitaplarynyň, şol sanda umumy  bilim berýan  orta  mekdepleriniň  8-nji  synplary  üçin  “Himiýa”  okuw  kitabynyň (2002, 2007. 2009, 2017),  ýokary okuw  mekdepleriniň  himiýa  hünäriniň  talyplary   üçin “Fiziki himiýa”  boýunça okuw  gollanmasynyň (2019)  awtorydyr.

     Häzirki wagtda himiýa we ony okatmagyň usulyýeti  kafedrasynda jemi    9 mugallym işleýär. Şol sanda olaryň 1 sanysy  himiýa ylymlarynyň  kandidaty, 2 sanysy uly mugallym, 4 sanysy  mugallym we 2 sanysy mugallym-stažýor .