Ýurdumyzyň ýokary okuw mekdepleriniň talyplarynyň arasynda sözleýşiň suratlandyrma görnüşinde pars dilinde tekst düzmek boýunça bäsleşik geçirilýär

     Seýitnazar Seýdi adyndaky Türkmen döwlet mugallymçylyk instituty “Halkara parahatçylyk we ynanyşmak” ýylynda ýurdumyzyň ýokary okuw mekdepleriniň “Pars dili we edebiýaty” hünärinde okaýan hem-de pars dilini ders hökmünde öwrenýän talyplarynyň arasynda “Dost-doganlyk dilleri – Parahatçylyk ýollary” atly temada sözleýşiň suratlandyrma görnüşinde tekst düzmek boýunça bäsleşik geçirýär. Bäsleşige her bir ýokary okuw mekdebinden 5 talyp gatnaşyp biler. Bäsleşigiň netijeleri jemlenende hünär ugry “Pars dili we edebiýaty” bolan talyplaryň işleri hem-de pars dilini ders hökmünde öwrenýän talyplaryň işleri aýratynlykda bahalandyrylar. Taýýarlanylan işler        2025-nji ýylyň 20-nji maýyna çenli kabul edilýär. Bäsleşik 2025-nji ýylyň 26-njy maýynda jemlenip, netijeler institutyň resmi web-saýtynda (www.tdmugi.edu.tm) yglan edilýär. Bäsleşigiň düzgünnamasy bilen tanyşmak üçin şu ýere basyň.