Psihologiýa kafedrasynda talyp ýaşlaryň psihologik düşünjelerini kämilleşdirmek, psihologiýa boýunça döredijilik ukyp-başarnyklaryny ýokarlandyrmak maksady bilen, psihologiýa hepdelikleri, halypa sagatlary yzygiderli gurnalýar. Kafedrada mekdep okuwçylarynda we talyp ýaşlarda dürli durmuş ýagdaýlary bilen bagly ýüze çykýan meseleler boýunça psihologik seljerme, psihologik ündew, maslahat beriş işleri yzygiderli geçirilýär. Kafedranyň mugallymlarynyň ýolbaşçylygynda talyp ýaşlara psihologiýa ylmynyň täze gazananlary boýunça dürli temalarda ylmy we taslama işlerini alyp barmakda giň mümkinçilikler döredilýär. Kafedrada alnyp barylýan ylmy-barlag işleriň netijeleri makalalar we tezisler görnüşinde ýurdumyzyň we daşary ýurtlaryň ylmy neşirlerinde çap edilýär.
