Pedagogika fakultetinde “Başlangyç bilimiň mugallymçylygy we psihologiýasy”, “Mekdebe çenli bilim we terbiýe”, “Bedenterbiýe” hünärleri boýunça hünärmenler taýýarlanylýar. Şeýle-de, bakalawr bilim maksatnamasy boýunça “Başlangyç bilimiň mugallymçylygy we psihologiýasy”, “Mekdebe çenli bilim we terbiýe”, “Ýöriteleşdirilen bilim (defektologiýa)” hem-de magistr bilim maksatnamasy boýunça “Psihologiýa-pedagogika bilimi” taýýarlyk ugurlary boýunça okuwlar alnyp barylýar.
Fakultetiň uçurymlary çagalar baglarynda, umumy bilim berýän orta mekdeplerde, başlangyç hünär, ýokary we orta hünär okuw mekdeplerinde, ylmy-barlag institutlarynda we edaralarynda, Türkmenistanyň Milli bilim institutynda hünär ugry boýunça mugallym, başlangyç bilimiň mugallymy, mekdep psihology, mekdebe çenli çagalar edaralarynyň terbiýeçisi, defektolog, ylmy işgär, usulyýetçi hem-de ylym, bilim, terbiýeçilik edaralarynda guramaçylyk-dolandyryş wezipelerinde zähmet çekýärler.
Bedenterbiýe hünärini tamamlan uçurymlar orta mekdeplerde, başlangyç hünär, ýokary we orta hünär okuw mekdeplerinde, sport mekdeplerinde, sport toplumlarynda, Türkmenistanyň Milli bilim institutynda hünär ugry boýunça mugallym, tälimçi, ylmy işgär, usulyýetçi hem-de ylym, bilim, terbiýeçilik edaralarynda guramaçylyk-dolandyryş wezipelerinde işläp bilýärler.
“Ýöriteleşdirilen bilim (defektologiýa)” taýýarlyk ugruny tamamlan uçurymlar mekdebe çenli bilim, saglygy goraýyş we durmuş edaralarynyň esasynda döredilen mekdebe çenli çagalar baglarynda, saglygy dikeldiş okuw-terbiýeçilik toplumlarynda, ýöriteleşdirilen mekdep internatlarynda, orta hünär okuw mekdeplerinde, ylmy-barlag institutlarynda, edaralarda, Türkmenistanyň milli bilim institutynda hünär ugry boýunça defektolog, mugallym, ylmy işgär, usulyýetçi hem-de ylym, bilim, terbiýeçilik edaralarynda guramaçylyk-dolandyryş wezipelerinde işläp bilýärler.
