Daşary ýurt dilleri kafedrasynda “Türkmenistanda daşary ýurt dillerini okatmagy kämilleşdirmegiň Konsepsiýasy” esasynda ähli hünärlerde we taýýarlyk ugurlarynda okaýan talyplara daşary ýurt dillerinde erkin gürläp bilmek, öz hünär ugruna degişli daşary ýurt dillerindäki ylmy maglumatlardan peýdalanyp, geljekki ýaş nesillere döwrebap bilim bermek başarnyklaryny ösdürmek boýunça netijeli işler alnyp barylýar.
Kafedrada “Hünäri boýunça iňlis dili”, “Hünäri boýunça rus dili”, “Rus dili”, “Hünäri boýunça nemes dili” ýaly dersler okadylýar.
Okadylýan derslerde talyplaryň özbaşdak, erkin sözleýiş ukyplaryny ösdürmek boýunça amaly sapaklarda lingafon otaglarynyň mümkinçiliklerinden giňden peýdalanylýar.
