Zähmet we tehnologiýalaryň esaslary, olary okatmagyň usulyýeti kafedrasy talyplara zähmet we döwrebap tehnologiýalaryň esaslary dersleri boýunça çuň nazary bilimleri bermegi, amaly we eksperimental endikleri, mekdep okuwçylarynda dersi öwrenmäge bolan höwesi, gyzyklanmany ösdürmegi, okuw sapaklaryny we terbiýeçilik çärelerini guramagy we geçirmegi, ylmy-barlag işlerini alyp barmak işi maksadalaýyk ýola goýulýar.
Kafedrada “Umumy fizika”, “Çyzgy geometriýasy we çyzuw”, “Okuw ussahanalarynda praktikum”, “Maşynlaryň we mehanizmleriň teoriýasy”, “Özara çalşygyň esaslary”, “Zähmeti okatmagyň usulyýeti”, “Tehnologiýanyň esaslaryny okatmagyň usulyýeti”, “Tehnologiki prosesleri dolandyrmakda kompýuteriň ulanylyşy”, “Elektrotehnika”, “Radioelektronika”, “Materiallary we çig maly gaýtadan işlemegiň tehnologiýasy” ýaly derslerden okuw sapaklary döwrüň talaplaryna laýyklykda alnyp barylýar.
