2024-nji ýylyň 22-nji oktýabrynda Seýitnazar Seýdi adyndaky Türkmen döwlet mugallymçylyk institutynyň gurnamagynda “Magtymguly Pyragy we türkmen halkynyň taryhy: edebiýat, taryh, çeşmeşynaslyk” atly onlaýn ylmy-döredijilik maslahaty geçirildi. Maslahata ýurdumyzyň ýokary okuw mekdepleriniň professor-mugallymlary we Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň hem-de Türkmenistanyň Ylymlar akademiýasynyň Taryh we arheologiýa institutynyň alymlary gatnaşdylar. Umumy mejlisde we bölümçeleriň 3-sinde ylmy dokladlaryň 180-den gowragy diňlenildi. Ylmy dokladlar maslahata gatnaşyjylarda uly gyzyklanma döretdi.
