“С++ tejribe sapaklarda” atly okuw gollanmasy neşir edildi

Seýitnazar Seýdi adyndaky Türkmen döwlet mugallymçylyk institutynyň “Informatika we ony okatmagyň usulyýeti” kafedrasynyň mugallymlary M.Berenowyň we A.Taňryberdiýewanyň awtordaşlygynda taýýarlanan “С++ tejribe sapaklarda” atly okuw gollanma neşir edildi.

Okuw gollanmasy “Algoritmleşdirmegiň we programmalaşdyrmagyň esaslary” dersinde “C++ dilinde programmirlemek” bölümi boýunça tejribe sapaklar üçin niýetlenen.

Gollanmada her tema boýunça aýratynlykda tejribe işleriniň ýazgylary we nusgalyk çözüwler berilýär. Nusgalyk çözüwlerde C++ dilinde düzülen programmalar we olary kompýuterde sazlamak üçin barlag testleri berilýär.

Okuw gollanmasyndan “Fizika we informatika”, “Matematika we informatika” we inžener-tehniki hünärleriniň talyplary peýdalanyp bilerler.